ბრენდის კვლევა
ბრენდის ღირებულება მხოლოდ მისი ლოგო, სლოგანი ან რეკლამა არ არის — ეს არის ის, თუ როგორ აღიქვამს მას მომხმარებელი. ACTR-ის ბრენდის კვლევები გეხმარებათ დაინახოთ თქვენი ბრენდი მომხმარებლის თვალით: როგორ აღიქმება, რამდენად ცნობადია, რასთან ასოცირდება და რამდენად ემთხვევა თქვენი მიზნობრივი პოზიციონირება რეალურ აღქმას.
ბრენდის კვლევისას ჩვენ ვიყენებთ როგორც ACTR-ის უნიკალურ, ისე საერთაშორისოდ აპრობირებული მეთოდებს. 23 წლის მანძილზე ბრენდის კვლევებში დაგროვილი გამოცდილება გვაძლევს საშუალებას შევაფასოთ შეთქვენი ბრენდის მდგომარეობა ყველა მნიშვნელოვან პარამეტრში — ცნობადობიდან იმიჯამდე, ლოიალობიდან რეპუტაციამდე — და მოგცეთ გადაწყვეტილებები, რომლებიც თქვენი ბრენდის კაპიტალს კიდევ უფრო გააძლიერებს.
რატომ არის მნიშვნელოვანი:
მომხმარებელი ვერ აირჩევს იმ ბრენდს, რომლის შესახებაც არ იცის. სწორედ ამიტომ, ცნობადობა არის ერთ-ერთი პირველი ნაბიჯი წარმატებული ბრენდინგის გზაზე. კვლევები აჩვენებს, რომ რაც უფრო ცნობადია ბრენდი, მით უფრო მაღალია მისი არჩევის ალბათობა.
რისი გაგება შეგიძლიათ ამ კვლევით:
- რამდენად ახსენდებათ მომხმარებლებს თქვენი ბრენდი კონკრეტულ პროდუქტის/სერვის კატეგორიაში
- რამდენად ადვილად აღიქმება და დამახსოვრებადია ბრენდი
- რამდენად სწორად არის გადაცემული ბრენდის ძირითადი მესიჯები
- როგორ იცვლება ცნობადობა დროთა განმავლობაში
რას მიიღებთ შედეგად:
ACTR-ის ანალიტიკოსების დახმარებით შეძლებთ შეაფასოთ თქვენი ბრენდის პოზიცია და თვალყური ადევნოთ, როგორ რეაგირებს ბაზარი თქვენს კამპანიებზე. კვლევის შედეგები დაგეხმარებათ გაზარდოთ მედიახარჯების და კომუნიკაციის ეფექტიანობა.
რატომ არის მნიშვნელოვანი:
ბრენდის მართვა მუდმივი პროცესია, რომელიც საჭიროებს მონაცემებზე დაფუძნებულ გადაწყვეტილებებს. ბრენდის ჯანმრთელობის შეფასება გაძლევთ სრულ სურათს იმაზე, თუ სად დგას თქვენი ბრენდი დღეს — რა არის მისი სიძლიერე, სად აქვს ზრდის პოტენციალი და რას უნდა მიექცეს განსაკუთრებული ყურადღება.
რისი გაგება შეგიძლიათ ამ კვლევით:
- რამდენად ცნობადია ბრენდი მიზნობრივი აუდიტორიისთვის
- როგორია ბრენდის მოხმარების გამოცდილება და მომავალი განწყობა
- როგორია ლოიალობის დონე და ბრენდთან ემოციური კავშირი
- როგორ აღიქვამს მომხმარებელი ბრენდის იმიჯს და რეპუტაციას
რას მიიღებთ შედეგად:
ACTR-ის ბრენდის ჯანმრთელობის კვლევა დაგეხმარებათ:
- შეაფასოთ თქვენი ბრენდის სიჯანსაღე
- შეაფასოთ მარკეტინგული ძალისხმევის ეფექტიანობა
- დასახოთ ბრენდის განვითარებისა და პოზიციონირების ეფექტური გზა
- აიღოთ ბაზისური მაჩვენებლები და თვალი ადევნოთ ბრენდის პროგრესს დროში
რატომ არის მნიშვნელოვანი:
ბრენდებს მომხმარებელი არჩევს არა მხოლოდ იმის გამო, რაც არის, არამედ იმის გამო, რისი სიმბოლოცაა ეს ბრენდი მისთვის. მომხმარებლები დღეს ელიან, რომ ბრენდს ჰქონდეს ღირებულებები, მიზანი და ემოციური ღირებულება — ისეთი, რაც მათ ცხოვრებას შეეხება.
რისი გაგება შეგიძლიათ ამ კვლევით:
- რას უკავშირებს მომხმარებელი თქვენს ბრენდს — ფასეულობები, ემოციები, სოციალური მნიშვნელობა
- როგორ ერგება თქვენი ბრენდი სამიზნე აუდიტორიის ღირებულებებს
- არის თუ არა ბრენდი ემოციურად ჩართული და „გაგებული“ სამიზნე სეგმენტების თვალში
- რამდენად ძვირფასია ემოციური თვალსაზრისით ბრენდი მომხმარებლისთვის
რას მიიღებთ შედეგად:
ჩვენი კლევის საფუძველზე, თქვენ შეძლებთ გააძლიეროთ ბრენდის ემოციური ელემენტები, შეამციროთ აღქმის არაერთგვაროვნება და შექმნათ პოზიციონირება, რომელიც მომხმარებლის შინაგან სამყაროს ეხმიანება – შედეგად კი, გაზარდოთ ბრენდის მიმართ მომხმარებლების ლოიალობა.
რატომ არის მნიშვნელოვანი:
ბრენდის სიძლიერის შესაფასებლად არ კმარა მხოლოდ საკუთარ მაჩვენებლებზე ყურება — მისი აღქმა და წარმატება ყოველთვის შედარებით კონტექსტში განიხილება. თუ არ იცით, როგორ გამოიყურება თქვენი ბრენდი კონკურენტების ფონზე, შეიძლება ვერ შეამჩნიოთ სერიოზული შესაძლებლობები — ან ვერ შეაფასოთ რისკები, რომლებიც საფრთხეს უქმნის თქვენი ბრენდის პოზიციას ბაზარზე.
რისი გაგება შეგიძლიათ ამ კვლევით:
- როგორია თქვენი ბრენდის პოზიცია ძირითადი კონკურენტების ფონზე
- რომელი ბრენდები არიან აღქმული, როგორც თქვენი ალტერნატივა კონკრეტულ კატეგორიაში
- რომელი მახასიათებლებით ხართ გამორჩეული და სად არის გაუმჯობესების საჭიროება
- როგორია მომხმარებლის არჩევანის კრიტერიუმები კონკურენტულ გარემოში
- როგორ იცვლება ბრენდების პოზიციები და რა ტენდენციები იკვეთება
რას მიიღებთ შედეგად:
ACTR-ის ანალიტიკოსები მოგაწვდიან არა მხოლოდ ბრენდების კონკურენტულ ანალიზს, არამედ კონკრეტულ რეკომენდაციებს, როგორ გამოიყენოთ ეს ცოდნა თქვენი ბრენდის სასარგებლოდ. შედეგად, თქვენ შეძლებთ:
- მკაფიოდ განსაზღვროთ, რით უნდა განსხვავდებოდეს თქვენი ბრენდი კონკურენტებისგან
- აირჩიოთ სწორი პოზიციონირების სტრატეგია კონკრეტული სეგმენტებისთვის
- ჩამოაყალიბოთ კომუნიკაცია, რომელიც გაუსვამს ხაზს თქვენს რეალურ უპირატესობებს
- გადააქციოთ სუსტი წერტილები თქვენი ბრენდის განვითარების შესაძლებლობად
- ააშენოთ ბრენდის სტრატეგია მის გამოკვეთილ უპირატესობებზე
ეს კვლევა დაგეხმარებათ მიიღოთ არა უბრალოდ დიაგნოზი, არამედ სამოქმედო გეგმა თქვენი ბრენდის კონკურენტუნარიანობის გასაზრდელად.
რატომ არის მნიშვნელოვანი:
ბრენდი ცოცხალი ორგანიზმივით იცვლება — დროთა განმავლობაში იცვლება მისი აღქმაც. სწორედ ამიტომ, საჭიროა არამხოლოდ ერთჯერადი შეფასება, არამედ რეგულარული მონიტორინგი.
რისი გაგება შეგიძლიათ ამ კვლევით:
- იცვლება თუ არა ბრენდის ცნობადობა და როგორია ამ ცვლილების ტემპი
- როგორ ასახავს ბრენდის იმიჯი მომხმარებლის განწყობებს კონკრეტული კამპანიების ან ბაზრის ცვლილებების ფონზე
- როგორ მერყეობს ლოიალობა დროში და რას უკავშირდება ეს ცვლილება
- რამდენად გესმით ბაზრის მოლოდინები და პასუხობთ თუ არა მათ
- არის თუ არა ბრენდი საკმარისად გამძლე კონკურენტულ დინამიკაში
რას მიიღებთ შედეგად:
Brand Tracking არის სისტემური ინსტრუმენტი, რომელიც მუდმივად გაწვდით პასუხებს: სად ვართ ახლა, სად მივდივართ და რას უნდა ვაკეთებდეთ.
ACTR-ის ანალიტიკოსები დაგეხმარებიან:
- დროულად აღმოაჩინოთ ბრენდის განვითარების ნეგატიური თუ პოზიტიური ტენდენციები
- შეაფასოთ კამპანიების და სტრატეგიული ცვლილებების რეალური ეფექტი
- მიიღოთ მტკიცებულებებზე დაფუძნებული გადაწყვეტილებები, რომელიც გაზრდის ბრენდის სიცოცხლისუნარიანობასა და მდგრადობას.
საბოლოოდ, Brand Tracking გახდება თქვენი სტრატეგიული თერმომეტრი — დაგეხმარებათ დროულად აღმოაჩინოთ ტენდენციები, ცვლილებები და ახალი გამოწვევები თუ შესაძლებლობები, და რაც მთავარია, მოახდინოთ დროული რეაგირება ამ ცვლილებებზე.